पुणे : पुण्यातून एका भीषण अपघाताची घटना समोर आली आहे. कल्याण-नगर महामार्गावरील गुळुंचवाडी येथे हा भीषण अपघात घडला आहे. भरधाव वेगाने जाणाऱ्या ट्रकने अंत्यविधी करून माघारी परतणाऱ्या अनेकांना चिरडल्याची माहिती समोर आली आहे. या भीषण अपघातात तीन जणांचा जागीच मृत्यू झाल्याची माहिती मिळत आहे. मृतांमध्ये एक महिला, एक पुरुष आणि एक लहान मुलाचा समावेश आहे. तर 10 ते 12 जण गंभीर जखमी असल्याची माहिती समोर आली आहे. जखमींना उपचारांसाठी जवळच्या खाजगी रुग्णालयात करण्यात आले आहे.
मिळालेल्या माहितीनुसार, आळेफाटा पोलीस स्टेशन हद्दीत आज (ता.19) सकाळी 11.15 वाजण्याच्या सुमारस मौजे गुळुंचवाडी या ठिकाणी अपघाताची घटना घडली आहे. गावातील मयत भांबीरे यांचा अंत्यविधी करून गावातील अनेक नागरीक आणि नातेवाईक कल्याण-नगर रोडने जात असताना नगर-कल्याण रोडने नगर बाजूकडून बेल्हे बाजूकडे येणाऱ्या 12 टायर ट्रकने रोडवरून पायी चालणाऱ्यांना चिरडलं. त्यामध्ये 1 महिला, 1 पुरुष, 1 लहान मुलगा या तिघांचा मृत्यू झाला आहे. या घटनेनंतर गावात शोकाकुल वातावरण निर्माण झालं आहे. स्थानिक पोलीस घटनास्थळी पोहोचले असून घटनेचा अधिक तपास करत आहेत.
कल्याण-अहमदनगर महामार्गावर हा भीषण अपघात झाला आहे. भरधाव वेगात आलेल्या अवजड ट्रकने अनेकांना चिरडलं आहे. यामध्ये तिघांचा जागीच मृत्यू झाला तर 10 ते 12 जण गंभीर जखमी झाले. चालकाने बेदरकारपणे गाडी चालवत आधी दुचाकीस्वारांना चिरडलं त्यानंतर अंत्यसंस्कार विधी पुर्ण करून घरी परतणाऱ्या नागरिकांना चिरडलं. त्याचबरोबर चारचाकी वाहनांना देखील धडक दिली आहे. यामुळं जुन्नर तालुक्यातील गुळुंचवाडी गावावर शोककळा पसरली आहे.
