पुणे : पूर्ववैमन्स्यातून झालेल्या भांडणातून गुंडांच्या टोळक्याने दोन दुचाकी पेट्रोल टाकून जाळल्याचा धक्कादायक प्रकार रविवारी (दि. १८) उघडकीस आला. यासंदर्भात चार जणांविरुद्ध पोलिसांनी गुन्हा दाखल केला आहे. वाघोलीतील वाघेश्वरनगर मध्ये शनिवारी मध्यरात्री दीडच्या सुमारास घडली.
या परिसरात गेले दोन महिने दोन गटांमध्ये वादावादी व हाणामाऱ्यांचे प्रकार सुरु आहेत. त्यातील एका टोळक्याने शनिवारी मध्यरात्री या भागात येऊन दोन मोटारसायकली जाळल्या. हा प्रकार समजल्यावर स्थानिक नागरिकांनी तेथे धाव घेतली. पोलिसांना व अग्निशामक दलालाही हा प्रकार कळवण्यात आला. संशयावरून काही युवकांना चंदननगर पोलिसांनी ताब्यात घेतले आहे.
