हडपसर, (पुणे) : हडपसर पोलीस ठाण्याच्या हद्दीत ४ घरफोडी व १ वाहनचोरी करणाऱ्या दोघांना हडपसर पोलिसांनी ताब्यात घेतले. यामध्ये एका अल्पवयीन मुलाचा समावेश असून, त्याला ताब्यात घेऊन पोलिसांकडून चौकशी सुरु आहे.
याप्रकरणी हडपसर पोलिसांनी वाहनचोरी करणाऱ्या प्रणव प्रशांत शेजुळ (वय १९, रा. लोणी काळभोर टोल नाक्याजवळ, कामठे वस्ती, लोणी काळभोर, मूळ गाव श्रीगोंदा, अहमदनगर) असे अटक करण्यात आलेल्या आरोपीचे नाव आहे. त्याच्याकडून पोलिसांनी ५२ हजार रुपये किमतीची दुचाकी जप्त केली. तर चार ठिकाणी घरफोडी करणाऱ्या एका अल्पवयीन मुलाला पोलिसांनी ताब्यात घेतले आहे.
पोलिसांनी दिलेल्या माहितीनुसार, हडपसर पोलीस ठाण्याच्या हद्दीत घरफोडीच्या घटनेत वाढ झाल्याने चोरीच्या घटनेचा तपास करण्याच्या सूचना वरिष्ठांनी हडपसर पोलिसांना दिल्या होत्या. या घटनेचा पोलीस तपास करत असताना एक संशयित विधीसंघर्षित बालक पाण्याची मोटार घेऊन जाताना दिसला. त्यास थांबवून त्याच्याकडे चौकशी करत असताना त्याने घरफोडीचे ४ गुन्हे केल्याची माहिती दिली.
दरम्यान, तसेच दुसऱ्या कारवाईत प्रणव शेजुळ यास अटक करून त्याच्याकडे गुन्ह्यातील चोरीस गेलेल्या दुचाकीबाबत विचारपूस केली असता त्याने दुचाकी चोरल्याचे पोलिसांना सांगितले. त्याच्याकडून पोलिसांनी ५२ हजार रुपये किमतीची दुचाकी हस्तगत केली आहे.
ही कामगिरी हडपसर पोलीस ठाण्याचे वरिष्ठ पोलीस निरीक्षक रविंद्र शेळके, गुन्हे शाखेचे पोलीस निरीक्षक विश्वास डगळे, संदीप शिवले यांच्या सूचनेप्रमाणे तपास पथकाचे सहाय्यक पोलीस निरीक्षक विजयकुमार शिंदे, पोलीस उपनिरीक्षक अविनाश शिंदे, पोलीस अंमलदार, सुशील लोणकर, संदीप राठोड, समीर पाडुळे, जोतीबा पवार, सचिन जाधव, जोतीबा पवार, शाहीद शेख, प्रशांत दुधाळ, निखील पवार, अतुल पंधरकर, भगवान हंबर्ड, अनिरूध्द सोनवणे, सचिन गोरखे, प्रशांत टोणपे, अजित मदने, चंद्रकांत रेजीतवाड, अमोल दणके, कुंडलीक केसकर, रशिद शेख यांच्या पथकाने केली.
