भिगवण : पुणे-सोलापूर सेवा रस्त्यावरील कुंभारगाव नजिक पोंधवडी चढाजवळ दोन दुचाकीस्वारांची समोरासमोर जोरदार धडक झाली. या धडकेत दोन्ही दुचाकीस्वारांचा मृत्यू झाला. या अपघातात ऊसतोडणीसाठी आलेला मजूर प्रकाश बरडे (वय16 वर्षे, रा.कुंभारगाव, ता.इंदापूर, ता.अंबड, जि,जालना ), शैलेंद्र सिंग (वय49, मुळगाव रा. हरीनंदन सिंग, बिहार )या दोघांचा मृत्यू झाला.
भिगवण पोलीस ठाण्याकडून मिळालेल्या माहितीनुसार, या अपघाताची फिर्याद प्रकाश बरडे याचे दाजी राजेश अशोक पवार यांनी भिगवण पोलीस ठाण्यात दिली आहे. प्रकाश बरडे हा त्याची दुचाकी एचएफ डीलक्स (एमएच 21बी वाय 7778) वरून कुंभारगावमधून आठवडे बाजार आणण्यासाठी गेला होता. भिगवणमधून बाजार घेऊन परत येत असताना पोंधवडी चढाजवळ कुंभारगाववरून भिगवण दिशेकडे येणाऱ्या शैलेंद्र सिंग यांच्या पॅशन(एमएच 12 डीडी1231) दुचाकीची समोरासमोर धडक बसली. अपघात एवढा जबर होता की दोन्ही दुचाकी चालकांचा जागीच त्यांचा मृत्यू झाला.
