शिक्रापूर (पुणे) : शिक्रापूर ते न्हावरा या रस्त्यावर गुरुवार २३ मे रोजी पहाटेच्या सुमारास विटांची वाहतूक करणारा ट्रक रस्त्यावर उलटला. या रस्त्याची दुरुस्ती करून वळण सरळ करण्याची मागणी ग्रामस्थ व नागरिक करत आहेत. शिक्रापूर-न्हावरा रस्त्यावर अनेक ठिकाणी वेडीवाकडी वळणे तसेच रस्त्यावर तीव्र उतार आहेत. तर अनेक लोकवस्तीच्या ठिकाणी रस्त्यावर गतिरोधक नसल्याने यापूर्वी अनेक अपघात होऊन काही नागरिकांना जीव गमवावा लागला. तर, काही नागरिकांना अपंगत्व आले आहे. यापूर्वी चक्क शेतकऱ्याच्या बैलाचासुद्धा मृत्यू झाल्याने अनेकांनी नाराजी व्यक्त केली होती.
