शिक्रापूर (पुणे) : येथील शिक्रापूर- चाकण रस्त्यावरून अवजड लोखंडी माल घेऊन जाणाऱ्या ट्रकचा टायर फुटल्याने रस्त्यावर उलटून ट्रकसह मालाचे नुकसान होऊन चालक जखमी झाल्याची घटना आज सकाळच्या सुमारास घडली आहे. शिक्रापूर (ता. शिरूर) येथील चाकण-शिक्रापूर रस्त्याने चाकण बाजूकडून शिक्रापूर बाजूकडे (एमएच ४६ एआर ७२२५) हा ट्रक येत असताना सकाळच्या सुमारास जातेगाव फाटा येथे अचानक ट्रकचा टायर फुटल्याने ट्रक रस्त्यावर उलटला.
बयान, ट्रकचालक जखमी होऊन ट्रकमधील लोखंडी माल रस्त्यावर पडल्याने वाहतूककोंडी निर्माण झाली. घटनेची माहिती मिळताच पोलीस नाईक राकेश मळेकर, विकास मोरे, पोलीस पाटील कृष्णा गजरे यांनी घटनास्थळी धाव घेत वाहतूककोंडी सुरळीत करत क्रेनच्या साहाय्याने ट्रकसह त्यातील लोखंडी अवजड माल बाजूला केले. घडलेल्या अपघातात ट्रकचालक फकीर मोहम्म खान (वय ३७, रा. मुंबई) हा किरकोळ जखमी झाला.
