पुणे : साधू वासवानी पुलाच्या पुनर्बांधणीमुळे पुण्यातील वाहतूकीत बदल करण्यात आले आहेत. पुणे पोलिसांनी 24 फेब्रुवारीपासून बंडगार्डन आणि कोरेगाव पार्क मधील वाहतुकीत प्रायोगिक तत्त्वावर बदल केले आहेत. तसचे पुढील आदेश येईपर्यंत हे बदल करण्यात आले आहेत.
साधू वासवानी पूल वाहतुकीसाठी कमकुवत असल्याने पुणे महापालिकेकडून हा पूल पाडून नव्याने बांधण्यात येणार आहे. साधू वासवानी पूल पाडून पुनर्बांधणी होईपर्यंत कोरेगाव पार्क, बंडगार्डन वाहतूक विभागाच्या हद्दीत वाहतूक कोंडी होण्याची शक्यता आहे. त्यामुळे या भागातील वाहतूक सुरळीत ठेवण्यासाठी 24 फेब्रुवारीपासून पुढील आदेश येईपर्यंत प्रायोगिक तत्वावर बदल करण्यात येत आहेत.
कसे आहेत बदल:
- परंकुटी चौक-ब्ल्यू डायमंड चौक-मोबोज चौक हा मार्ग वन वे असेल.
- मोबोज चौक ते महात्मा गांधी उद्यान चौक (बंडगार्डन रोड) हा वन वे असेल.
- अलंकार चौक- आयबी चौक -सर्किट हाऊस चौक-मोर ओढा चौक हे वन वे करण्यात येत आहे.
- मोर ओढा चौक ते कौन्सिल हॉल चौक वन वे करण्यात येणार आहे.
- वरील सर्व मार्गांवर सर्व प्रकारची अवजड,मल्टिएक्सल वाहने इत्यादींसाठी 24 तासांची बंदी असेल.
- काहूण रोड जंक्शन ते तारापूर रोड जंक्शन हा मार्ग पूर्वीप्रमाणेच वन वे राहणार आहे.
- कौन्सिल हॉल चौक ते साधू वासवानी पुतळा रोड हा वन वे करण्यात येत आहे.
पुणे स्थानकातून कोरेगाव पार्ककडे जाणारी वाहने
- पुणे स्टेशन, अलंकार चौक, डावीकडे जहांगीर चौकाकडे वळा, उजवीकडे मंगलदास चौकाकडे वळा पुणे स्टेशन अलंकार चौक थेट आयबी चौकाकडे, डावीकडे मंगळदास चौकाकडे वळा, बंडगार्डन रोडकडे उजवीकडे महात्मा गांधी उद्यान चौकाकडे वळा, उजवीकडे कोरेगाव पार्ककडे वळा.
- पुणे स्थानकाकडून घोरपडीकडे जाणारी वाहने पुणे स्थानकातून मोर ओढा चौकमार्गे सर्किट हाऊस चौकमार्गे अलंकार चौकाकडे थेट जातील.
- घोरपडी व भैरोबा नाला चौकातून (पीएमपीएमएलसह) येणाऱ्या सर्व बसेस मोर ओढा चौकातून सरळ पुढे जातील व काहूर रोड जंक्शन ते तारापूर रोड जंक्शन येथे डावीकडे वळतील व तारापूर रोडयेथे उजवे वळण घेतील व ब्ल्यू लाइन चौकातून कौन्सिल हॉल चौकाकडे उजवीकडे वळतील.
- आयबी (रेसिडेन्सी क्लब) जंक्शन ते मोर ओढा चौक हा एकतर्फी रस्ता गरजेनुसार तात्पुरता दुतर्फा करण्यात येणार आहे.
- ब्लू डायमंड चौक ते साऊथ मेन रोड, कोरेगाव पार्क पर्यंतची वाहतूक नेहमीप्रमाणे सुरू राहणार आहे.
पर्यायी मार्ग
- नगर रोडकडून मोर ओढा चौकाकडे जाणारी वाहने परंकुटी चौक, महात्मा गांधी चौक, ब्ल्यू डायमंड चौक मार्गे मंगळदास रोडकडे उजवीकडे वळतील, मंगळदास चौकासमोर डावीकडे वळतील आणि पुन्हा आयबी (रेसिडेन्सी क्लब) चौकाकडे वळतील, सर्किट हाऊस चौकमार्गे मोर ओढाकडे डावीकडे वळतील.
- मोर ओढा चौक, कोरेगाव पार्ककडे जाणारी वाहने मोर ओढा चौकमार्गे थेट कौन्सिल हॉल चौकात, उजवीकडे मंगलदास चौकाकडे वळतील, बंडगार्डन रोडकडे उजवीकडे महात्मा गांधी उद्यान चौकाकडे वळतील, उजवीकडे कोरेगाव पार्ककडे वळतील.
