पुणे: नवले पुलाखाली होणाऱ्या अपघाताचे सत्र सुरूच आहे. शनिवारी सकाळी नवले पुलाखाली तीन वाहनांचा अपघात झाल्याची घटना घडली. तीन वाहने एकमेकांना धडकली. अपघाताची माहिती मिळताच तातडीने पोलिसांनी घटनास्थळी धाव घेतली.
शनिवारी सकाळच्या सुमारास ट्रक, टँकर आणि खाजगी बसचा अपघात झाला. ही तीन वाहनं एकमेकांना धडकल्यामुळे काही वेळ वाहतूक कोंडी झाली होती. वाहतुक पोलीस घटनास्थळी पोहोचल्यानंतर ही वाहने बाजूला करून वाहतूक सुरळीत करण्यात आली. या अपघातामध्ये कोणीही जखमी झाले नाही. हा अपघात नेमका कशामुळे झाला, याचं कारण अद्याप समजू शकले नाही.
