पुणे : गेल्या काही काळापासून वाहातून पोलिसांमध्ये दंड वसुलीचा प्रकार मोठ्या प्रमाणात वाढला आहे. बऱ्याच वेळेला वाहतूक पोलीस दंड वसुल करण्यासाठी आपला चौक सोडून गर्दीच्या ठिकाणी जाऊन दंड वसुन करण्यासाठी थांबतात. असाच काहीसा प्रकार पुन्हा एकदा समोर आला आहे. पुण्यातील वाहतूक पोलिसांनी आपला कर्तव्य चौक सोडून दुसऱ्या चौकात ड्युटी केल्यामुळे त्यांना निलंबित करण्यात आले आहे.
संतोष चंद्रकांत यादव ,बालाजी विठ्ठल पवार आणि महिला पोलीस शिपाई मोनिका प्रवीण करंजकर असे पुणे वाहतूक विभागातील निलंबित पोलिसांची नावे आहेत. संतोष चंद्रकांत यादव यांची ड्युटी एस पी चौक, बालाजी विठ्ठल पवार यांची हिराबाग चौक, तर मोनिका करंजकर यांची ड्युटी भावे चौकात होती. पण त्यांना नेमून दिलेली विभागं सोडून त्यांनी पुरम चौकातील गाड्यांची अडवून करत दंड वसुल केल्याची माहिती समोर आली. हे प्रकरण समोर आल्यानंतर वाहतूक विभागाने तातडीने तीन पोलिसांवर कारवाई करत त्यांचे निलंबन केले आहे.
दरम्यान, दिवसेंदिवस पुण्यात वाहतूक कोंडी वाढत असताना वाहतूक पोलिसांचा हा निष्काळजीपणा गंभीर बाब आहे. आणि म्हणूनच वाहतूक विभागाने कारवाई करत तीन पोलिसांना निलंबित केले आहे.
