लोणी काळभोर : अंधाराचा फायदा घेऊन 3 भुरट्या चोरट्यांनी 5 दुकाने फोडून सुमारे 40 हजाराहून अधिक रुपये लंपास केल्याची घटना घडली आहे. ही घटना कदमवाकवस्ती (ता.हवेली) ग्रामपंचायत हद्दीतील कवडीपाट परिसरात रविवारी (ता.23) सकाळी आठ वाजण्याच्या सुमारास उघडकीस आली आहे. चोरी करतानाचा व्हिडिओ सीसीटिव्ही कॅमेरात कैद झाला आहे.
View this post on Instagram
मिळालेल्या माहितीनुसार, कवडीपाट रस्त्यावर आरंभ अपार्टमेंट आहे. या अपार्टमेंट मधील चोरट्यांनी किराणा दुकान, मेडिकल दुकान, कपड्याचे दुकान व ब्युटी पार्लर असे चार दुकाने फोडली आहेत. चोरट्यांनी ब्युटी पार्लर मधील पैशाने भरलेला गल्ला, मेडिकल व किराणा दुकानातील रोख रक्कम लंपास केली आहे.
त्याच रस्त्यावरील चोरट्यांनी गुजर वस्तीतील एक किराणा दुकान फोडले आहे. या दुकानातून चोरट्यांनी सिगारेट व रोख रक्कम असा मुद्देमाल लंपास केला आहे.
दरम्यान, चोरी करतानाचे चोरटे सीसीटीव्ही कॅमेऱ्यात कैद झाले आहे. सीसीटिव्ही कॅमेरात 3 चोरटे आज रविवारी पहाटे चार वाजण्याच्या सुमारास कैद झाले आहेत. ते दुचाकीवरून पळून गेल्याचे दिसून येत आहे. या चोरीच्या घटनेत सुमारे 40 हजाराहून अधिक रक्कम चोरट्यांनी लंपास केली आहे
या घटनेची माहिती मिळताच, लोणी काळभोर पोलीस घटनास्थळी दाखल झाले असून पुढील कारवाई करण्याचे काम सुरू आहे
