शिक्रापूर : दरवाजाचे कुलूप तोडून घरातील दागिने, रोख रक्कम व अन्य साहित्य चोरुन नेले. ही घटना वढू बुद्रुक (ता. शिरुर) येथील वखारीचा मळा येथे घडली. याबाबत दत्तात्रय सावळेराम थोरात (वय ५५ रा. वखारीचा मळा वढू बुद्रुक ता. शिरुर जि. पुणे) यांनी शिक्रापूर पोलीस स्टेशन येथे फिर्याद दिल्याने पोलिसांनी अज्ञात चोरट्यावर गुन्हा दाखल केला आहे.
दत्तात्रय थोरात हे घराला कुलूप लावून बाहेरगावी गेले होते. दुसऱ्या दिवशी थोरात हे घरी आले असता त्यांना दरवाजाचे कुलूप तुटलेले दिसले आणि घरातील सर्व साहित्य अस्थाव्यस्थ पडल्याचे दिसून आले.
