बारामती, (पुणे) : Baramati Big Crime News – बारामती तालुक्यातील सुप्यात शुक्रवारी (ता. ३१) एका सराफा दुकानावर दरोडा टाकण्यासाठी आलेल्या पाच अज्ञात दरोडेखोरांनी हवेत गोळीबार केल्याची घटना घडली आहे. (Baramati Big Crime News) सायंकाळी पाच वाजताच्या सुमारास ही घटना घडली असून सराफी दुकान लुटण्याचा अयशस्वी प्रयत्न झाला आहे. मात्र, नागरिकांमध्ये दहशत पसरवण्यासाठी जाता जाता त्यांनी हवेत गोळीबार केल्याने एकच खळबळ उडाली आहे. (Baramati Big Crime News)
या गोळीबारात एक नागरिक जखमी झाला असून एकाला पकडण्यात पोलिसांना यश आले आहे.
मिळालेल्या माहितीनुसार, सुप्यात बसस्थानका शेजारील एक सराफी दुकान आहे. हे सराफी दुकान लुटण्याच्या उद्देशाने पाच ते सहा दरोडेखोर एकत्र आले. परप्रांतीय दरोडेखोरांनी लुटण्याचा अयशस्वी प्रयत्न केला. मात्र नागरिकांमध्ये दहशत पसरवण्यासाठी त्यांनी केलेल्या गोळीबारात एक जण जखमी झाला.
यानंतर मात्र चिडलेल्या नागरिकांनी प्रसंगावधान राखत या दरडोखोरांवरच झडप घालण्याचा प्रयत्न केला. यामध्ये इतर पाच जण पळून गेले, मात्र एक दरोडेखोर ग्रामस्थांच्या आणि पोलिसांच्या तावडीत सापडला. हे सर्व दरोडेखोर परप्रांतीय असल्याची माहिती स्थानिक नागरिकांनी दिली असून, यातील दरोडेखोरांनी गोळीबार करून नागरिकांमध्ये दहशत पसरवण्याचा प्रयत्न केला.
दरम्यान, या गोळीबारात एका स्थानिक नागरिकाला गोळी लागून हा नागरिक जखमी झाला. मात्र त्यानंतर चिडलेल्या जमावाने दरोडेखोरांना ताब्यात घेण्याचा प्रयत्न केला. त्यामध्ये एक जण पोलिस व ग्रामस्थांच्या तावडीत सापडला. या एका जणाला पोलिसांनी ताब्यात घेतला असून इतर त्याच्या साथीदारांचा शोध सुरू आहे.
