पुणे : पुण्यामधून एक धक्कादायक बातमी समोर आली आहे. पुण्यातील बावधन बुद्रुक परिसरात हेलिकॉप्टर कोसळून तीन जणांचा मृत्यू झाल्याची खळबळजनक घटना समोर आली आहे.
हा परिसरा पुणे-बंगळुरु महामार्गापासून काही अंतरावर आहे. याठिकाणी एका टेकडीवर ऑक्सफर्ड काउंटी रिसॉर्ट असून येथील हेलिपॅडवरुन आज सकाळी या हेलिकॉप्टरने उड्डाण केले होते. परंतु, हा भाग डोंगराळ असल्याने येथे दाट धुके होते. त्यामुळे हेलिकॉप्टरचा अपघात झाल्याचे बोलले जात आहे.
अपघात झाल्यानंतर हेलिकॉप्टरने लगेच पेट घेतला आणि त्यामध्ये तिघांचा जागीच मृत्यू झाल्याची माहिती समोर येत आहे.हिंजवडी पोलिस कंट्रोल रूमला याची माहिती मिळाल्यानंतर पोलिस तात्काळ घटनास्थळी दाखल झाले असून पोलीसांकडून चौकशी सुरु आहे.
