-बापू मुळीक
सासवड : महाराष्ट्र राज्य शिक्षक परिषद, पुरंदर तालुका आयोजित पुरंदर तालुकास्तरीय गुणवंत मुख्याध्याक, शिक्षक, शिक्षकेतर कर्मचारी पुरस्कार सोहळ्याचे आयोजन करण्यात आले आहे. महाराष्ट्र राज्य शिक्षक परिषदेचे कार्य संपूर्ण महाराष्ट्र राज्यात गेल्या अनेक वर्षांपासून अविरतपणे सुरु आहे.
शिक्षकहित व राष्ट्रहित या उद्देशाने सर्वांना सोबत घेऊन शिक्षक परिषद काम करते. महाराष्ट्र राज्य शिक्षक परिषद, पुरंदर तालुक्याच्या वतीने 5 सप्टेंबर शिक्षक दिनाचे औचित्य साधून रविवार (दि. 8 सप्टेंबर) गुरुकुल करिअर अकॅडमी, सिद्धेश्वर मंदिर रोड, सोपानकाका मंदिराच्या जवळ, सासवड येथे सकाळी दहा वाजता पुरंदर तालुकास्तरीय गुणवंत मुख्याध्याक / शिक्षक / शिक्षकेतर कर्मचारी पुरस्कार सोहळा-2024 चे आयोजन करण्यात आले आहे.
सदर पुरस्कार सोहळा विविध क्षेत्रातील मान्यवरांच्या शुभहस्ते संपन्न होणार आहे. तरी कृपया या कार्यक्रमासाठी आपण वेळात वेळ काढून उपस्थित राहण्याचे आवाहन महाराष्ट्र राज्य शिक्षक परिषद, पुरंदर तालुकाध्यक्ष शिवहार लहाने व कार्यवाह दिपक भोसले यांनी केले आहे.
