‘आम्हाला दारू पिण्यासाठी पैसे देत नाही, उलट आमचा बाप काढतोस का?’ म्हणत शेतकऱ्याला रॉडने मारहाण

तळेगाव दाभाडे (Talegaon Dabhade): दारू पिण्यासाठी पैसे देत नाही, या कारणावरून दोघांनी एका शेतकऱ्याला लोखंडी रॉडने मारहाण केल्याचे घटना घडली आहे. तळेगाव दाभाडे येथे 31 डिसेंबरला रात्री हा प्रकार घडला.

याबाबत तळेगाव दाभाडे पोलीस ठाण्यात राजेंद्र मारुती शेलार (वय 56 रा. तळेगाव दाभाडे ) यांनी सोमवार एक जानेवारी रोजी फिर्याद दिली आहे. त्यांच्या फिर्यादीवरून पोलिसांकडून फारूक पठाण (वय 30 ) आणि बादशाह शेलार (वय 30) दोघेही राहणार तळेगाव दाभाडे यांच्यावर खुनाच्या प्रयत्नाचा गुन्हा दाखल करण्यात आला आहे.

पोलिसांनी दिलेल्या माहितीनुसार, फिर्यादी शेलार हे त्यांच्या पुतण्याच्या शेडमध्ये बसले होते. यावेळी दोन्ही आरोपी तिथे आले. त्यांनी तो आम्हाला दारू पिण्यासाठी पैसे देत नाही. उलट आमचा बाप काढतोस का? म्हणत लोखंडी रॉडने शेलार यांच्या डोक्यात व तोंडावर मारहाण केली. तसेच त्यांना ठार मारण्याची धमकी दिली. यानंतर तळेगाव दाभाडे पोलिसांनी गुन्हा दाखल केला असून पोलीस दोन्ही आरोपींचा शोध घेत आहेत. (Talegaon Dabhade)