पिंपरी : पिंपरी चिंचवड शहरातून एक धक्कादायक घटना समोर आली आहे. पत्नीसोबत अनैतिक संबंध असल्याच्या संशयावरून एका तरुणाचा झोपेतच धारदार शस्त्राने गळा चिरून निर्घृण खून केल्याची घटना घडली आहे. ही घटना बुधवारी (१८ सप्टेंबर) मध्यरात्री दीड वाजण्याच्या सुमारास शहरातील बावधन परिसरात घडली आहे. याप्रकरणी हिंजवडी पोलिसांनी दोन व्यक्तींना ताब्यात घेतले आहे.
प्रवीण महतो (वय-25) असे खून झालेल्या तरुणाचे नाव आहे. राजीवकुमार महतो आणि त्याच्या साथीदाराला पोलिसांनी ताब्यात घेतले आहे.
पोलिसांनी दिलेल्या माहितीनुसार, हिंजवडी पोलीस ठाण्याच्या हद्दीतील बावधन चौकी जवळ असलेल्या एका नर्सरीमध्ये प्रवीण याचा धारदार हत्याराने झोपेत असतानाच गळा चिरून खून. या घटनेची माहिती मिळताच हिंजवडी पोलिसांनी घटनास्थळी धाव घेत दोघांना ताब्यात घेतले.
राजीवकुमार महतो याला त्याच्या पत्नीसोबत प्रवीण याचे अनैतिक संबंध असल्याचा संशय होता. त्याच कारणावरून त्याने त्याच्या एका साथीदाराला सोबत घेऊन प्रवीणला ठार मारण्याचा विचार केला. त्यानुसार प्रवीण झोपेत असताना त्याचा गळा चिरून निर्घृण खून केला. पुढील तपास हिंजवडी पोलीस करत आहेत.
