प्रिया बंडगर
Summer Camp | लोणी काळभोर : श्री स्वामी विवेकानंद शिक्षण संस्थेच्या लोणी काळभोर (ता. हवेली) येथील इंग्लिश मीडियम स्कूल या इंग्रजी माध्यमाच्या शाळेतील विद्यार्थ्यांनी उन्हाळी शिबीराचा आनंद आज सोमवारी (ता.१७) लुटला.
या शिबिराचे उ‌द्घाटन पृथ्वीराज कपूर “मेमोरियल व ज्युनिअर कॉलजचे प्राचार्य सीताराम गवळी व समाजभूषण गणपतराव काळभोर महाविद्यालयाचे प्राचार्य मंजुळकर सर यांच्या हस्ते करण्यात आले. यावेळी शाळेच्या प्राचार्या पोर्णिमा शेवाळे मॅडम, प्री प्रायमरीच्या इनचार्ज सुलताना इनामदार, शिक्षक, शिक्षकेतर कर्मचारी व विद्यार्थी मोठ्या संख्येने उपस्थित होते.
दरम्यान, या शिबिरात नर्सरी ते सिनियर केजीच्या विद्यार्थ्यांनी सहभाग घेतला. यावेळी विद्यार्थ्यांसाठी चित्रकला, नृत्य, झुंबा नृत्य, संगित तसेच विविध प्रकारच्या खेळांचे प्रशिक्षण देण्यात आले. विद्यार्थ्यांनी गाणी, गप्पा, गोष्टी, श्लोक संस्कार आणि संगीताच्या तालावर ठेका धरला. एकूणच विद्यार्थ्यांनी उन्हाळी शिबीराचा आनंद लुटला.
विद्यार्थ्यांचा अभ्यासा व्यतिरिक्त व्यक्तिमत्व विकास व्हावा, त्यांना विविध कला प्रकाराची गोडी लागावी. तसेच शारिरिकदृष्टा तंदरुस्त व्हावे. या उद्देशाने विद्यालयाने यावर्षी उन्हाळी शिबिराचे आयोजन केले होते. असे प्राचार्या पोर्णिमा शेवाळे यांनी सांगितले.
