पुणे : पु्ण्यामध्ये अनर्थ होता होता टळला आहे. हडपसरमध्ये एका पीएमपीएल इलेक्ट्रिक बसला काल रात्री(१२ सप्टेंबर) आग लागली होती. हडपसर येथील बी टी कवडे रोड चौकात भेकराई नगर बसला ही आग लागली होती. प्रवासांना सुखरूप बाहेर काढण्यात आलं आहे. अग्निशामक दलाची टीम त्या ठिकाणी दाखल होत युद्ध पातळीवर बसची आग विझविण्यात आली आहे.
अचानक पीएमपीएल इलेक्ट्रिक बसला लागलेल्या आगीमुळे प्रवाशी घाबरून गेलेले होते. तात्काळ त्यांना सुखरूप बाहेर काढण्यात आले असून यामध्ये कोणत्याही प्रकारची जीविहित हानी झालेली नाही. बसला अचानक आग लागल्याने भर रस्त्यावर लोकांची गर्दी झाली होती.
