राजेंद्रकुमार शेळके
मुळशी : मुळशी तालुक्यातील पिरंगुट जय वाघजाई देवी शैक्षणिक संकुलातील संस्कार इंग्लिश मिडीयम स्कूल येथील इयत्ता १० वी परीक्षेत मुलांनी मिळवलेल्या भरघोस यशाबद्दल त्यांना मार्गदर्शन केलेल्या शिक्षकांचे व विद्यार्थ्यांचा सत्कार करण्यात आला.
विद्यार्थ्यांना मार्गदर्शन करताना शाळेच्या मुख्याध्यापिका स्नेहा साठे म्हणाल्या, ही यशाची पहिली पायरी आहे, आपल्याला खूप पायऱ्या गाठायच्या आहेत. त्यामुळे प्रामाणिक कष्ट करा, मेहनत करा व आपल्या यशाचा मार्ग स्वतः तयार करा. आयुष्यात आपल्याला ज्यांनी ज्यांनी योग्य मार्गदर्शन केलं त्यांना कधीही विसरू नका.
आपले आई वडील शिक्षक यांचा कायम आदर करा. खूप चांगल्या गोष्टी शिकण्यासारखे आहेत. त्यामुळे आपले डोळे, कान, डोके व्यवस्थित उघडे ठेवून ज्ञान आत्मसात करा व त्याचा वापर आपल्या आयुष्यात चांगले बनवण्यासाठी करा. तसेच विद्यार्थ्यांसह पालकांचे मुख्याध्यापिका स्नेहा साठे
यांनी अभिनंदन केले.
