पुणे : पुण्यात अपघाताचे सत्र सुरूच आहेत. पुण्यातील फातीमानगर परिसरात भीषण अपघात झाल्याची घटना घडली आहे. भरधाव एसटी बसने सात वाहनांना उडवले आहे. या अपघातात सहा जण जखमी झाले आहेत. सांगोला येथून पुण्यातील स्वारगेट एसटी स्टँडकडे जात असताना एसटी बसने दोन मोटारींसह पाच दुचाकींना जोरदार धडक दिली. या अपघातात मोटारीतील आठ वर्षीय मुलाच्या डोक्याला गंभीर दुखापत झाली आहे. पोलिसांनी एसटी बसचालकला ताब्यात घेतलं आहे. (Pune Fatima Nagar Accident)
मिळालेल्या अधिक माहितीनुसार, एसटी बस सांगोला येथून पुण्यातील स्वारगेट एसटी स्टँडकडे जात असताना. फातिमानगर येथील काळूबाई मंदिर चौक भागात एसटी बसचे अचानक ब्रेक फेल झाले. यामुळे बसने दोन चार चाकी गाड्यांसह पाच दुचाकींना जोरदार धडक दिली. या अपघातात चार चाकी गाडीतील आठ वर्षीय मुलाच्या डोक्याला गंभीर दुखापत झाली असून, अन्य सहा जण किरकोळ जखमी झाले आहेत. पोलिसांनी एसटी बसचालक चंद्रशेखर स्वामी (रा. सांगोला) याला ताब्यात घेतलं असून, रात्री उशिरा वानवडी पोलीस ठाण्यात गुन्हा दाखल करण्यात आला आहे. (ST Bus Accident)
दरम्यान, या भीषण अपघातावेळी बस मध्ये सुमारे तीस प्रवाशी होते. हडपसर रस्त्यावर कायमच वर्दळ असते. या मार्गावर कायम वाहतूक कोंडी होत असते. मंगळवारी रात्री सांगोला ते स्वारगेट एसटी बसचा फातिमानगर येथील काळूबाई मंदिर चौक परिसरात मोठा अपघात झाला. या अपघातात काही कारचा चक्काचूर झाल्याने मोठे नुकसान झाले आहे.
