राजगुरूनगर : खेड तालुका सहकारी खरेदी विक्री संघ कार्यालयात नाफेड अंतर्गत शासकीय आधारभुत किंमती योजने अंतर्गत हंगाम २०२४-२०२५ मध्ये नाफेड मार्फत खरेदीसाठी नाव नोंदणी सुरु झाली आहे. अशी माहिती संघाचे उपाध्यक्ष नामदेव कलवडे यांनी दिली. शासनाने सोयाबीनचा हमीभाव ४ हजार ८९२ रुपये, मूग ८ हजार ६८२ रुपये आणि उडीद ७ हजार ४०० रुपये प्रती क्विंटल जाहीर केला आहे. शेतकऱ्यांना योग्य बाजारभाव मिळण्यासाठी खरेदी केंद्र संघाने सुरू केले आहे.
यासाठी शेतकरी बांधवांनी डिजीटल कॉम्प्युटर प्रिंट पेरा असलेला ७/१२ आणि ८ अ ची सन २०२४-२५ ची झेरॉक्स, आधार कार्डची झेरॉक्स, बँकेच्या आधार लिंक व बँकेचा खाते नंबर अपडेट असलेला पूर्ण नंबर असलेल्या पासबुकची झेरॉक्स, शेतकरी नोंदणी अर्ज संघाच्या कार्यालयात जमा करण्याचे आवाहन कार्यकारी संचालक प्रतापराव टाकळकर यांनी केले आहे.
