राजेंद्रकुमार शेळके
पुणे : जुन्नर तालुक्यातील ओझर येथील शुभांगी सुनील कर्डक हिची अहिल्यानगर पोलीस दलामध्ये निवड झाल्याबद्दल ग्रामस्थांच्या वतीने व विविध सेवाभावी सहकारी संस्थांच्या वतीने तिचे विशेष अभिनंदन करण्यात आले. “मुलगी शिकली प्रगती झाली” या संकल्पनेतून शुभांगी कर्डक परिवारासाठी आनंदाची पर्वणी ठरली आहे.
शुभांगीचे वडील सुनिल कर्डक हे मोलमजुरी करून कुटुंबाचा उदरनिर्वाह करतात. शुभांगी हिने सह्याद्री करिअर अकॅडमी संगमनेर या ठिकाणी पोलीस दलाचे प्रशिक्षण घेतले होते. यावेळी या अकॅडमीचे मुख्य मार्गदर्शक अमोल रहाणे सर यांनी तिच्या यशासाठी विशेष प्रयत्न केले. यावेळी ग्रामपंचायत ओझर नंबर नवीन – जुने व दोन अशा अनेक सेवाभावी संस्थांच्या वतीने शुभांगी कर्डक हिचा आणि तिच्या कुटुंबातील सदस्यांचा सत्कार करण्यात आला. तसेच तिचे अभिनंदन करून पुढील आयुष्यासाठी शुभेच्छा दिल्या.
