पुणे : राज्यात पावसाने हैदोस घातला आहे. पुण्यातही रात्रभर पावसाने जोर पकडला असून जनजीवन विस्कळीत झाले आहे. अशातच आता पुण्यातील लवासामध्ये मोठी दुर्घटना घडल्याचे समोर आले आहे. लवासामध्ये एक दरड दोन व्हिलांवर कोसळली आहे. व्हिलामध्ये तीन ते चार लोक राहत असल्यांची माहिती मिळत आहे.
पुण्यामध्ये काल सकाळपासून पाऊस सुरु आहे. तसेच आजही सकाळपासून पावसाचा जोर वाढला आहे. पुणे शहरापासून जवळच असलेल्या लवासामध्ये दरड कोसळली आहे. काही लोक बेपत्ता असून अद्याप बचावपथक घटनास्थळी पोहोचले नसल्याची माहिती मिळत आहे. स्थानिक लोक मदतीचे काम करत आहेत. तसेच पुणे परिसरात मुसळधार पावसाच्या पार्श्वभूमीवर प्रशासनाने नागरिकांना काळजी घेण्याचे आवाहन केले आहे.
