पुणे : पुण्यामधून एक धक्कादायक बातमी समोर आली आहे. जुगार अड्ड्यावर टाकलेल्या छाप्यातून पळून जाताना उंच इमारतीवरुन उडी मारल्याने एकाचा मृत्यू झाला असल्याची घटना घडली आहे. पुण्यातील नाना पेठेत ही घटना घडली आहे.
ब्रायन रूडॉल्फ गियर असं मृत झालेल्या व्यक्तीचे नाव आहे. नाना पेठेतील लाजवंती लॉजमध्ये जुगार चालू असल्याचे समजल्यावर पुणे पोलीसांच्या गुन्हे शाखेने तिथे छापा टाकला. त्यावेळी झालेल्या पळापळीत ब्रायन रूडॉल्फ गियर नावाच्या व्यक्तीने गॅलरीतून उडी मारली त्यामध्ये त्याचा त्याचा मृत्यू झाला.
