शिरूर : शिरूर, रामलिंग परिसरातील रामलिंग रोडच्या बाजूला रूद्र टाईल्स दुकानाच्या शेजारी प्रदिप श्रीकिसन तिवारी (रा. शिरूर ता. शिरूर जि पुणे) हा गावठी पिस्तुल घेऊन फिरत असल्याची बातमी शिरूर पोलिसांना मिळताच पोलीस निरीक्षक संदेश केंजळे, पोलीस उपनिरीक्षक शुभम चव्हाण, पोलीस अंमलदार विजय शिंदे, निरज पिसाळ, नितेश थोरात, सचिन भोई, निखील रावडे, अजय पाटील यांच्या पथकाने धडाकेबाज कारवाई करत सदर ठिकाणी जाऊन प्रदिपला ताब्यात घेतलं आहे.
पोलीस निरीक्षक संदेश केंजळे यांच्या मार्गदर्शनाखाली तपास पथकाचे पोलीस उपनिरीक्षक शुभम चव्हाण व त्यांच्या पोलीस पथकाने प्रदिप श्रीकिसन तिवारी याला परिसरात दहशत माजवण्याच्या आरोपाखाली ताब्यात घेतल आहे. प्रदीप याचे वय ४२ वर्ष आहे. प्रदीपला सापळा रचून ताब्यात घेण्यात आलं आहे. पोलिसांच्या या कारवाईत प्रदीपकडे गावठी बनावटीची दोन पिस्तुले व सहा जिवंत काडतुसे मिळाली आहेत. पोलिसांनी ही शस्त्रे जप्त केली असून, शिरूर पोलीस स्टेशन येथे हत्यारे बाळगल्या प्रकरणी गुन्हा दाखल केला आहे. पुढील अधिक तपास पोलीस उपनिरीक्षक शुभम चव्हाण करत आहेत. आरोपी प्रदिपला आज (जून १६) न्यायालयात हजर केले असता त्यास बुधवार (ता .१८) पर्यंत पोलीस कोठडी मंजुर करण्यात आली आहे.
सदरची कारवाई ही पोलीस अधिक्षक संदिप गिल, अप्पर पोलीस अधिक्षक रमेश चोपडे, उपविभागीय पोलीस अधिकारी प्रशांत ढोले, पोलीस निरीक्षक संदेश केंजळे, यांच्या मार्गदर्शनाखाली शिरूर पोलीस ठाणे गुन्हे शोध पथकाचे पोलीस उपनिरीक्षक शुभम चव्हाण, पोलीस हवालदार नायसाहेब जगताप, अक्षय कळमकर, पोलीस अंमलदार विजय शिंदे, निरज पिसाळ, नितेश थोरात, सचिन भोई, निखील रावडे, रविंद्र काळे, रविंद्र आव्हाड, अजय पाटील यांच्या पोलीस पथकाने केली आहे.
