अक्षय भोरडे
Shirur News : तळेगाव ढमढेरे, ता.०६ : तळेगाव ढमढेरे (ता.शिरूर) येथील स्वातंत्र्य सैनिक रायकुमार बी गुजर प्रशालेत राष्ट्रीय शिक्षक दिन मंगळवारी (ता.५) मोठ्या उत्साहात साजरा करण्यात आला.
शिक्षक दिनाबद्दल विद्यार्थ्यांना मार्गदर्शन
भारताचे माजी राष्ट्रपती डॉक्टर सर्वपल्ली राधाकृष्णन यांच्या प्रतिमेचे पूजन शिक्षण प्रसारक मंडळ संस्थेचे मानद सचिव अरविंद ढमढेरे, प्रशालेचे पर्यवेक्षक मोहन ओमासे यांच्या हस्ते करण्यात आले. यावेळी विद्या सहकारी बँकेचे संचालक व शिक्षण प्रसारक मंडळाचे संचालक महेश ढमढेरे यांनी शिक्षक दिनाबद्दल विद्यार्थ्यांना मार्गदर्शन केले.
दर्म्म्यान, यावेळी शाळेचे माजी विद्यार्थी डॉ.चंद्रकांत केदारी, दत्तात्रय नरके, रुपेश पिंगळे, मच्छिंद्र तोडकर, संदीप जगताप, संदीप ढमढेरे, अविनाश शिंदे, गोरक्ष शिंदे, नागनाथ झुरंगे, अमोल चौधरी, ज्ञानेश्वर भुजबळ, भाऊसाहेब शेलार, गणेश गायकवाड, विनोद जेधे, संतोष तोडकर, लक्ष्मण नरके, सचिन नरके, अविनाश कुंभार यांनी प्रशालेतील सर्व शिक्षकांचा पेन, पुस्तक व गुलाबपुष्प देऊन सन्मान केला.
शिक्षक दिनाच्या दिवशी प्रशालेतील इयत्ता दहावीच्या वर्गातील विद्यार्थ्यांनी प्रशालेत शिक्षकाची भूमिका पार पाडली. या कार्यक्रमाचे सूत्रसंचालन प्रशालेच्या उपशिक्षिका हर्षदा परदेशी यांनी केले तर कार्यक्रमाचे आभार प्रशालेच्या उपमुख्याध्यापिका सुनीता पिंगळे यांनी मानले.
