युनूस तांबोळी
Shirur News : शिरूर : महाराष्ट्र राज्य तंत्र शिक्षण मंडळ मुंबई यांच्या वतीने शिरूर येथील श्री छत्रपती संभाजी शिक्षण संस्थेचे सीताबाई थिटे कॉलेज ऑफ फार्मसी (पॉली) महाविद्यालयाला शैक्षणिक वर्ष २०२२-२३ मध्ये उत्तम श्रेणी प्रदान करण्यात आली आहे. अशी माहिती महाविद्यालयाचे प्राचार्य डॉ. अमोल शहा यांनी दिली. संस्थापक अध्यक्ष माजी गृहमंत्री कै. बापूसाहेब थिटे यांचे प्रेरणेतून स्थापन झालेल्या श्री छत्रपती संभाजी शिक्षण संस्थेचे सीताबाई थिटे कॉलेज ऑफ फार्मसी (पॉली) महाविद्यालयाला फार्मसी कौन्सिल ऑफ इंडिया, नवी दिल्ली या सर्वोच्च केंद्रीय संस्थेचे व तंत्र शिक्षण संचालनालय महाराष्ट्र राज्य व महाराष्ट्र राज्य तंत्र शिक्षण मंडळ, मुंबई यांची मान्यता आहे. महाराष्ट्र राज्य तंत्र शिक्षण मंडळाच्या शैक्षणिक देखरेख समितीच्या पथकाने महाविद्यालयास भेट दिली होती.
डॉ. अमोल शहा यांनी दिली माहिती
यावेळी महाविद्यालयाची शैक्षणिक कामकाज ,पायाभूत सुविधा, ग्रंथालय, प्रयोगशाळा ,संगणक कक्ष, महाविद्यालयाचा निकाल पाहण्यात आला. विद्यार्थ्यांच्या सर्वांगीण विकास होण्यासाठी घेतले गेलेले उपक्रम, शिक्षक वर्ग , मुलींचे वस्तीगृह यांची पाहणी व छाननी करण्यात आली. (Shirur News) या सर्व पाहिल्यानंतर या थिटे महाविद्यालयास 2022 – 23 या शैक्षणिक वर्षासाठी उत्तम श्रेणी प्रदान करण्यात आली आहे.
या यशामध्ये संस्थेचे अध्यक्ष डॉ.राजेंद्र थिटे, सचिव, धनंजय थिटे, संचालक डॉ. हर्षवर्धन थिटे व सर्व पदाधिकारी शिक्षक व शिक्षकेतर (Shirur News) कर्मचारी महाविद्यालयाच्या आजी व माजी विद्यार्थी तसेच पालक वर्ग यांचे मोठे योगदान असल्याचे प्राचार्य डॉ. अमोल शहा यांनी सांगितले.
अधिक बातम्या वाचण्यासाठी येथे क्लिक करा :
Shirur News : सख्ख्या भावाला कोयत्याचा धाक दाखवून जीवे मारण्याची धमकी
