धनंजय साळवे
Shirur News : कवठे येमाई : निघोज (ता. पारेनर) येथील स्टेट बँक ऑफ इंडिया शाखेत कार्यरत असणारे कवठे येमाई (ता. शिरूर) येथील कल्पेश कोठारी यांनी बिझनेस लोन या क्षेत्रात विशेष कामगिरी केल्याबद्दल स्टेट बँक ऑफ इंडिया, आर. बी. ओ. अहमदनगर यांच्यातर्फे विशेष गौरव करण्यात आला. सामाजिक व क्रीडा क्षेत्रात काम करणाऱ्या येस क्लब, कवठे या संस्थेकडून देखील त्याना गौरविण्यात आले.
येस क्लब या संस्थेकडूनही गौरव
अहमदनगर येथे स्टेट बँक ऑफ महाराष्ट्र सर्कलचे चीफ जनरल मॅनेजर अरविंद कुमार सिंग यांच्याकडून एक्सलंट परफॉर्मन्स इन पी.ए.बी.एल. हा पुरस्कार देऊन कल्पेश कोठारी यांचा गौरव करण्यात आला. (Shirur News) हा पुरस्कार बँकिंग क्षेत्रात अतिशय प्रतिष्ठेचा समजला जातो. त्यांच्या या कामगिरीबद्दल परिसरातून कौतुकाचा वर्षाव होत आहे. या कामगिरीबद्दल त्यांचा येस क्लब या सामाजिक व क्रिडा संघटनेकडून सन्मान व सत्कार करण्यात आला.
याप्रसंगी एस क्लबचे अध्यक्ष नवनाथ सांडभोर, उपाध्यक्ष डॉ. संतोष उचाळे, सचिव निवृत्त प्राचार्य संजय चौधरी, पुणे जिल्हा शिक्षक संघटनेचे उपाध्यक्ष संपत कांदळकर, (Shirur News) यशवंतराव चव्हाण रुग्णालय पिंपरी-चिंचवड येथील ज्येष्ठ अस्थिव्यंग शल्यचिकित्सक डॉ. निखिल ईचके, शिरूर तालुका हॉलीबॉल असोसिएशनचे सचिव अमोल शिंदे, डॉ. स्वप्निल पवार, डॉ. शुभम बारहाते, मुख्याध्यापक दुडे, विजय बगाटे, राकेश बोरा, मोहन मुखेकर आदी मान्यवर उपस्थित होते.
अधिक बातम्या वाचण्यासाठी येथे क्लिक करा :
Shirur News : आंतरशालेय क्रिडा स्पर्धेत श्रीतेज बोऱ्हाडे, वैष्णव इचके यांचे यश
Shirur News : बिबट्याच्या हल्ल्यातील जखमी तरुणाची मंगलदास बांदल यांनी घेतली भेट; धाडसाचे कौतुक
Shirur News : मराठा आंदोलकांवरील लाठीहल्ल्याच्या निषेधार्थ जांबूत गावात उस्फूर्त बंद
