– विजय लोखंडे
वाघोली (पुणे) : कुस्तीगीर संघाच्या पुणे जिल्हाध्यक्ष पदी पै.मेघराज कटके यांची नुकतीच नियुक्ती करण्यात आल्याची माहिती कुस्तीगीर संघाचे मावळते जिल्हाध्यक्ष तथा महाराष्ट्र राज्य कुस्तीगीर संघाचे कार्याध्यक्ष पै.संदीप भोंडवे यांनी दिली.
पुणे जिल्हा कुस्तीगीर संघाच्या सर्वसाधारण सभा नुकतीच पार पडली आहे. या सभेत सर्वानुमते पै.मेघराज कटके यांची पुणे जिल्हा कुस्तीगीर संघाच्या अध्यक्षपदी नियुक्ती करण्यात आली. यावेळी जिल्हाध्यक्ष पदी नियुक्ती झाल्यानंतर कटके यांचा सत्कार पुणे जिल्हा कुस्तीगीर संघाचे मावळते अध्यक्ष व महाराष्ट्र राज्य कुस्तीगीर संघाचे कार्याध्यक्ष पै.संदीप भोंडवे यांच्या हस्ते पार पडला.
यावेळी कुस्तीगीर संघाचे कार्याध्यक्ष पै.विलास कथुरे, महाराष्ट्र राज्य कुस्तीगीर संघाचे तांत्रिक प्रमुख दीनेश गुंड, जिल्हा कुस्तीगीर संघाचे उपाध्यक्ष माऊली ताकवणे, पै.नवनाथ घुले, खजिनदार पै.पांडुरंग खानेकर, सरचिटणीस मारुती मारकड, सभासद पै.खंडु वाळुंज, राजेंद्र जगताप, झेंडु पवार, आप्पा धुमाळ, विलास कदम, राजेंद्र पाबळे, पै.बाळासाहेब कोलते, पै.सचिन पलांडे, पै.गोविंद आंग्रे, पै.श्रीकांत जांभुळकर, सागर भोंडवे आदी कुस्तीगीर संघाचे पदाधिकारी, सदस्य तथा पैलवान उपस्थित होते.
यापुढे कुस्तीगीर संघाच्या जिल्हाध्यक्ष पदावर झोकून चांगले काम करून पद सिद्ध करून दाखवेन. पुणे जिल्ह्यात कुस्ती क्षेत्राचे नाव जास्तीत जास्त उच्च स्तरावर नेण्यासाठी सर्वप्रथम प्रयत्न राहील. जिल्ह्यात जास्तीत जास्त कुस्ती स्पर्धा भरविण्याचा प्रयत्न करणार असून पुणे जिल्ह्यातील दिग्गज कुस्तीगीर पैलवान घडवून त्याचे नाव महाराष्ट्र राज्यासह राष्ट्रीय, अंतरराष्ट्रीय स्तरावर खेळविण्याचा दृष्टीने प्रयत्न करणार आहे. जिल्हाध्यक्ष पदी नियुक्ती करण्यासाठी कुस्तीगीर संघाच्या सर्वांनीच माझ्यावर जो विश्वास दाखविला तो पुढे सार्थ करून संघटनेत आदर्शवत काम करणार आहे.
– पै.मेघराज कटके, कुस्तीगीर संघाचे नवनिर्वाचित पुणे जिल्हाध्यक्ष2014 ला पुणे जिल्हा कुस्तीगीर संघाचा मी अध्यक्ष झालो त्याच वेळी मी सर्वांना सांगितलो होतो की, जिल्हाध्यक्ष म्हणून मी फक्त 10 वर्ष काम करणार असून 10 वर्षापुर्वी जे काही वचन देऊन बोललो होतो. त्याप्रमाणे आज मी माझ्या जिल्हाध्यक्ष पदाचा राजीनामा देऊन पै.मेघराज कटके यांना पुणे जिल्हाध्यक्ष केले. त्याचा मनस्वी आनंद होत आहे. कुस्ती क्षेत्रात व कुस्तीगीर संघात पै.मेघराज कटके यांनी यामागे सर्वोत्कृष्ट उत्तम कामगिरी केल्याने सर्वांनीच त्यांच्या कामाची दखल घेऊन त्यांना जिल्हाध्यक्ष पदी नियुक्त केले आहे.
– पै.संदिप भोंडवे, महाराष्ट्र राज्य कुस्तीगीर संघाचे कार्याध्यक्ष
