पिंपरी : पिंपरी चिंचवड परिसरातील चिखली, कुदळवाडीतील भंगार मालाच्या गोदामाला मध्यरात्री भीषण आग लागल्याची घटना घडली आहे. या आगीवर अग्निशमन विभागाने नियंत्रण मिळविले असून कुलिंगचे काम सुरू आहे.
पिंपरी चिंचवडच्या चिखली, कुदळवाडी भागात मोठ्या प्रमाणात भंगार मालाची गोदामे आहेत. शुक्रवारी मध्यरात्री एक वाजून ३८ मिनिटांनी अनेक गोदामाला आग लागल्याची माहिती अग्निशमक दलाला मिळाली. या आगीचे स्वरूप पाहता महापालिकेच्या सर्व उपकेंद्रातील अग्निशामक बंब घटनास्थळी दाखल झाले. पुणे, पीएमआरडीए आणि एमआयडीसीमधील बंब मागविण्यात आले होते. त्याचबरोबर खासगी कंपन्यातील अग्निशामक दलाची देखील मदत घेण्यात आलेली आहे. आत ही आग आटोक्यात आली असून कुलिंगचे काम सुरू असल्याची माहिती अग्निशमन विभागाने सांगितले.
