पुणे : पुण्यातून एक मोठी बातमी समोर येत आहे. ससून रुग्णालयातील उद्घाटन पाटीवरून भाजप आमदार आणि राष्ट्रवादीचे वैद्यकीय मदत सेलचे प्रमुख यांच्यामध्ये राडा झाला आहे.
कॅन्टोन्मेंट मतदारसंघाचे भाजपचे आमदार सुनील कांबळे यांनी राष्ट्रवादीचे वैद्यकीय मदत सेलचे प्रमुख जितेंद्र सातव यांच्या कानशिलात लगावल्याची माहिती समोर येत आहे. ससून रुग्णालयातील उद्घाटन पाटीवर नाव नसल्याने सुनील कांबळे संतप्त झाले. त्यानंतर हा राडा झाल्याची माहिती आहे.
नेमकं काय घडलं?
बीजे वैद्यकीय महाविद्यालय आणि ससून रुग्णालय या ठिकाणी आज सकाळी एका कार्यक्रमाचे आयोजन केलं होतं. या कार्यक्रमाला भाजप तसेच राष्ट्रवादी काँग्रेसच्या पदाधिकाऱ्यांची उपस्थिती होती. उद्घाटनाच्या पाटीवर आमदार सुनील कांबळे यांचे नाव न टाकल्यामुळे भाजप आणि राष्ट्रवादी काँग्रेसच्या पदाधिकाऱ्यांमध्ये वाद झाला. यावेळी कांबळे यांनी राष्ट्रवादीचे वैद्यकीय मदत सेलचे प्रमुख जितेंद्र सातव यांच्या कानशिलात लगावल्याची माहिती आहे.
