राजू देवडे
लोणी धामणी : म्हाळुंगे पडवळ (ता. आंबेगाव) येथील रयत शिक्षण संस्थेचे हुतात्मा बाबू गेनू विद्यालय व वि. ग. कापूसकर कनिष्ठ महाविद्यालयातील उपशिक्षक संजय पडघनकर यांना नुकतेच आदर्श शिक्षक पुरस्काराने सन्मानित करण्यात आले.
पुणे जिल्हा डॉ. बाबासाहेब आंबेडकर कार्यकारी समितीच्या विद्यमाने महात्मा फुले स्मृतिदिनानिमित्त रविवारी (ता. ३) डॉ. बाबासाहेब आंबेडकर सांस्कृतिक भवन येथे सत्कार समारंभ पार पडला. माजी यशदा संचालक रवींद्र चव्हाण, माजी जिल्हाधिकारी सदानंद कोचे, माजी मंत्री जयदेव गायकवाड, विविध माध्यमिक संघटनांचे पदाधिकारी यांच्या उपस्थितीमध्ये शैक्षणिक, सामाजिक, सांस्कृतिक क्षेत्रात व शिष्यवृत्ती परीक्षेमध्ये जास्तीत जास्त विद्यार्थ्यांना यशवंत करून उल्लेखनीय कार्य केल्याबद्दल हुतात्मा बाबू गेनू विद्यालय, महाळुंगे पडवळ येथील गुणवंत शिक्षक संजय बबन पडघनकर यांना आदर्श शिक्षक पुरस्कार प्रदान करण्यात आला.
संजय पडघनकर यांचे विद्यालयाचे प्राचार्य साहेबराव काळे, शिक्षक, शालेय शाळा समिती, व्यवस्थापन व विकास समिती या सर्वांच्या वतीने अभिनंदन करण्यात आले.
