पुणे – अभिनेता रितेश देशमुख व अभिनेत्री जेनेलिया या दाम्पत्यांच्या वेड चित्रपट ३० डिसेंबर रोजी प्रदर्शित झाला आहे. या चित्रपटाने चाहत्यांना वेड लावून करोडो रुपयांचा गल्ला जमा केला आहे. यामुळे ‘सैराट’ने एका दिवसात केलेल्या सर्वाधिक कमाईचा रेकॉर्ड मोडला होता ‘वेड’ चित्रपटाने मोडला आहे.
वेड या बहुचर्चित चित्रपटाने बॉक्स ऑफिसवर मोठा गल्ला जमवलेला आहे. त्यांच्या चित्रपटाने प्रेक्षकांना चांगलीच भुरळ घातली आहे. चित्रपटाने आता पर्यंत तब्बल ३० करोडचा टप्पा पार केला आहे. केवळ विकेंडला नाही तर विक डेजला देखील चित्रपटानं बक्कळ कमाई केली आहे. मात्र, या चित्रपटाची एका दिवसाची कमाई पाहून सर्वांच्या भुवया उंचावल्यात. एका दिवसाला वेडनं ५.७० करोडची कमाई केली आहे.
दरम्यान, एका दिवसाच्या या कमाईने सगळेच अवाक झालेत. दमदार कमाई करत ‘सैराट’ने एका दिवसात केलेल्या सर्वाधिक कमाईचा रेकॉर्ड मोडला होता ‘वेड’ चित्रपटाने मोडला आहे. वेड चित्रपटाने रविवारी ०८ जानेवारी या एका दिवसात ५.७०१ करोडचा गल्ला जमवला आहे. याची माहिती रितेशने शेअर केलेल्या पोस्टद्वारे दिली आहे.
मराठमोळा अभिनेता रितेश देशमुख आणि त्याची पत्नी म्हणजेच अभिनेत्री जेनेलिया यांच्या ‘वेड’ चित्रपटाची चांगलीच चर्चा होत असून, फॅन्सला देखील ही जोडी आवडली आहे. या चित्रपटाने सध्या सिनेमागृहात धुमाकूळ घातला आहे.
प्रेक्षकांना देखील हा चित्रपट आवडला असून, रितेश आणि जेनेलिया यांना डोक्यावर घेतले आहे. चित्रपटाच्या या यशाबद्दल अभिनेता रितेश देशमुखने सर्वांचे आभार देखील मानले आहे.
