दीपक खिलारे
इंदापूर : मातोश्री रमाबाई आंबेडकर विद्यार्थी वसतिगृह ट्रस्ट इंदापूर संचलित प्राथमिक,माध्यमिक व उच्च माध्यमिक आश्रमशाळा तसेच मुलांचे, मुलींचे अनुदानित वसतिगृह यांच्या संयुक्त विद्यमाने डॉ. बाबासाहेब आंबेडकर शैक्षणिक संकुलात भारतीय प्रजासत्ताक दिन उत्साहात साजरा करण्यात आला.
भारतीय सैन्य दलातील सेवानिवृत्त हवालदार मधुकर लक्ष्मण जगताप यांच्या हस्ते ध्वजारोहण करण्यात आले. यावेळी प्रमुख पाहुणे म्हणून इंदापूर नगरपरिषदेच्या माजी नगरसेविका व संस्थेच्या अध्यक्षा शकुंतला रत्नाकर मखरे उपस्थित होत्या.
तत्पूर्वी उपस्थित मान्यवरांच्या हस्ते तथागत गौतम बुद्धांच्या मूर्तीस , इंदापूरचे माजी नगराध्यक्ष व संस्थेचे दिवंगत अध्यक्ष रत्नाकर मखरे यांच्या प्रतिमेस पुष्प अर्पण करुन अभिवादन करण्यात आले.
यावेळी संविधानाच्या उद्देशिकेचे सामूहिक वाचन घेण्यात आले. कार्यक्रमात मुलींनी झेंडा गीत गायले. कार्यक्रमाचे प्रास्ताविक नानासाहेब सानप यांनी केले तर सूत्रसंचालन हिरालाल चंदनशिवे यांनी केले.
या कार्यक्रमास संस्थेचे उपाध्यक्ष तानाजी मिसाळ, कार्याध्यक्ष ॲड. राहुल मखरे, सचिव ॲड. समीर मखरे, संचालक गोरख तिकोटे, संजय कांबळे, संचालिका अस्मिता मखरे, माहिती अधिकार कार्यकर्ते अश्वजित कांबळे, शिवाजी चंदनशिवे, तुषार गुजर, राजाभाऊ जगताप, गोरख चौगुले, सचिन बेसरे व संस्थेतील मुख्याध्यापक, प्राचार्य, शिक्षक, शिक्षकेतर कर्मचारी, विद्यार्थी उपस्थित होते.
