पुणे : सरकारी नोकरी मिळावी यासाठी अनेकांचा प्रयत्न असतो. त्यामध्ये काहींना यश मिळते तर काहींना प्रतिक्षाच करावी लागते. पण आता शासकीय तंत्रनिकेतन अमरावती येथे रिक्त पदांवर भरती केली जात आहे. यामध्ये एकूण 11 रिक्त पद भरले जाणार आहे. या भरती प्रक्रियेत निवड झालेल्या उमेदवाराला अमरावती येथे जाऊन नोकरी करावी लागणार आहे.
शासकीय तंत्रनिकेतन, अमरावती येथे ट्रेनी या पदावर भरती केली जात आहे. या भरती प्रक्रियेसाठी 12 डिसेंबर 2023 पर्यंत अर्ज करता येणार आहे. आवश्यक पात्रता असलेल्या उमेदवारांना यामध्ये संधी मिळण्याची शक्यता आहे. यासाठी वयोमर्यादाही निश्चित करण्यात आली असून, 38 वर्षापर्यंत वय असणारा उमेदवार यासाठी अर्ज करू शकणार आहे. संबंधित उमेदवाराला ऑनलाईन माध्यमातून अर्ज करता येणार आहे.
अशी असेल भरती प्रक्रिया…
- पदाचे नाव : शिकाऊ (COPA)
- एकूण रिक्त पदे : 11 पदे.
- नोकरीचे ठिकाण : अमरावती.
- अर्ज करण्याची पद्धत : ऑनलाईन
- अर्ज प्रक्रिया सुरू होण्याची तारीख : 5 डिसेंबर 2023.
- अर्ज करण्याची शेवटची तारीख : 12 डिसेंबर 2023.
या भरती प्रक्रियेबाबत अधिक माहितीसाठी अधिकृत वेबसाईट https://www.mahadiscom.in/ वरून माहिती घेता येऊ शकणार आहे.
