अमोल दरेकर
सणसवाडी : शिरूर तालुक्यातील कासारी गावचे माजी चेअरमन राजेंद्र काकडे यांची पुणे जिल्हा राष्ट्रवादी काँग्रेस पक्षाच्या सरचिटणीसपदी निवड करण्यात आली. यापूर्वी कासारी गावातील हनुमान विविध विकास सहकारी सोसायटीचे चेअरमन म्हणून कामकाज पाहिलं आहे.
आमदार अशोक पवार यांच्या माध्यमातून राष्ट्रवादी काँग्रेस पक्षाचे काम करत सर्वसामान्य लोकांना शासकीय योजनाचा लाभ देण्यासाठी अग्रभागी असणारा कार्यकर्ता म्हणून त्यांची ओळख आहे. नेहमी शरद पवार यांच्या विचारसरणीचा वारसा जपत जनसेवाचा व्रत घेत काम केल्याने आणि आमदार अशोक पवार यांच्याशी एकनिष्ठपणे काम केल्यानेच निवड झाल्याचे यावेळी त्यांनी सांगितले.
या निवडीचे पत्र खासदार डॉ. अमोल कोल्हे यांच्या हस्ते देण्यात आले. यावेळी आमदार अशोक पवार, जिल्हाध्यक्ष माजी आमदार जगनाथ शेवाळे, युवक जिल्हाध्यक्ष स्वप्नील गायकवाड, माजी सरपंच संभाजी भुजबळ आदी उपस्थित होते.
