पुणे: पुण्यात पावसाने पुन्हा जोरदार हजेरी लावली आहे. पावसामुळे दैनंदिन जीवन आणि वाहतुकीला अडथळा निर्माण झाला. आज सकाळपासून पुण्यातील घाट परिसरात शहराच्या विविध भागात मुसळधार पाऊस कोसळत आहे. भारतीय हवामान विभागाच्या (IMD) मते, पुढील काही तास पाऊस सुरू राहण्याची शक्यता आहे. घाट विभागात मुसळधार पाऊस पडण्याची शक्यता आहे. भारतीय हवामान विभागाने या भागासाठी यलो अलर्ट जारी केला आहे. पुणे-मुंबई महामार्गासह अनेक प्रमुख रस्त्यांवर वाहतूक कोंडीची नोंद झाली आहे. नागरिकांना त्यांच्या प्रवासाचे नियोजन त्यानुसार करावे, बाहेर पडण्यापूर्वी वाहतूक अपडेट तपासावेत असा सल्ला देण्यात आला आहे.
आयएमडीने इशारा दिला आहे की, पावसामुळे दैनंदिन जीवनात तात्पुरते व्यत्यय येऊ शकतो. पालघर, रायगड, पुणे, कोकणात, मुंबई, सातारा आणि आसपासच्या परिसरात ढगाळ हवामान असल्याचे दिसून आले आहे. या भागांत पुढीत ३ ते ४ तासांचा पावसाचा जोर वाढणार असल्याचा अंदाज व्यक्त करण्यात आला आहे.
