संदीप टूले
Railway Bogie Fire : दौंड, (पुणे) : दौंड रेल्वे स्थानकाच्या प्लॅटफॉर्म क्रमांक सहाच्या बाजूला उभ्या असणाऱ्या यार्ड मधील रेल्वेच्या रॅकमधील एका बोगीला अचानक आग लागली. यात कोणतीही जीवितहानी झाली नाही मात्र, रेल्वे बोगीचे मोठ्या प्रमाणत नुकसान झालं आहे.
दौंड रेल्वे स्थानकाच्या प्लॅटफॉर्म क्रमांक सहाच्या बाजूला उभ्या असणाऱ्या यार्ड मधील साईडला उभ्या केलेल्या रेल्वेच्या रॅकमधील एका बोगीला अचानक आग लागली. अचानक आग लागल्याने रेल्वे प्रशासनाच्या अधिकाऱ्यांची मोठी धावपळ उडाली.
ही आग नेमकी कशामुळे लागली हे मात्र अद्याप समजू शकले नाही. दरम्यान घटनास्थळी अग्निशमन दलाला पाचारण करण्यात आले असून आग विझविण्याचे शर्तीचे प्रयत्न सुरू आहेत. या आगीत कोणतीही जीवितहानी झाली नाही. मात्र, या आगीत रेल्वेच्या बोगीचे नुकसान झाले.
दरम्यान, अग्निशमन दल येईपर्यंत पाईपाने पाणी मारुन आग विझवण्याचा प्रयत्न करण्यात येताना व्हिडीओत दिसून येत आहे.
