पुणे : सावित्रीबाई फुले पुणे विद्यापीठातर्फे दिला जाणारा यंदाचा शैक्षणिक वर्ष २०२३-२४ साठीचा ग्रामीण क्षेत्रातील सर्वोत्कृष्ट अभिनव अध्यापन (व्यावसायिक अभ्यासक्रम) पुरस्कार जी. एच. रायसोनी कॉलेज ऑफ इंजीनिअरिंग आणि मॅनेजमेंटच्या संगणक विज्ञान विभागाच्या प्रमुख डॉ. सिमरन खियानी यांना विद्यापीठाच्या स्थापनादिनी प्रदान करण्यात आला. सावित्रीबाई फुले पुणे विद्यापीठाचे कुलगुरू प्रा. डॉ. सुरेश गोसावी यांनी हा पुरस्कार प्रदान केला.
जी. एच. रायसोनी कॉलेज ऑफ इंजीनिअरिंग आणि मॅनेजमेंटचे कॅम्पस संचालक डॉ. आर. डी. खराडकर यांनी या उल्लेखनीय कामगिरीबद्दल डॉ. सिमरन खियानी यांचे अभिनंदन केले. पुढे त्यांनी सांगितले की, डॉ. खियानी यांच्या नाविन्यपूर्ण शिकवण्याच्या पद्धतींचा केवळ त्याच्या विद्यार्थ्यांवरच परिणाम झाला असे नाही, तर ग्रामीण भागातील शैक्षणिक परिदृश्यावरही कायमचा ठसा उमटला आहे.
रायसोनी ग्रुप ऑफ इन्स्टिट्यूशन्सचे अध्यक्ष सुनील रायसोनी आणि रायसोनी ग्रुप ऑफ इन्स्टिट्यूशन्सचे कार्यकारी संचालक श्रेयश रायसोनी यांनी डॉ. सिमरन खियानी यांचे त्यांच्या उल्लेखनीय कामगिरीबद्दल अभिनंदन केले.
