पिंपरी : पिंपरी गावात ‘हिट अँड रन’ची घटना घडली आहे. भरधाव वेगात असलेल्या कारने पादचारी महिलेला उडवलं आहे. ही घटना काल रविवारी दुपारी पिंपरी गावात घडली आहे. कार अंगावर घातल्यानंतर कारचालक पसार झाला आहे. तर पादचारी महिला गंभीर जखमी झाली आहे. या घटनेने परिसरात एकच खळबळ उडाली आहे.
मिळालेल्या माहितीनुसार, पिंपरी गावातील रस्त्याच्या बाजूने एक महिला जात होती. त्यावेळी कारने समोरून येत महिलेला ठोकरले. त्या घटनेनंतर कार चालक पसार झाला. प्रत्यक्षदर्शींनी त्याचा पाठलाग करण्याचा प्रयत्न केला मात्र तो हाती लागला नाही. आता या प्रकरणी पिंपरी पोलीस त्या चालकाचा शोध घेत आहे. ही घटना सीसीटीव्हीत कैद झाली आहे.
या अपघातात गंभीर झालेल्या महिलेवर उपचार सुरु आहे. अपघाताचा सीसीटीव्ही फुटेज समोर आला आहे. या व्हिडीओनंतर नागरिकांकडून संताप व्यक्त करण्यात येत आहे. पुण्यातील पोर्शे अपघाताची चर्चा सुरू असतानाच पुणे शहरातून एकामागोमाग एक हिट अँड रनचे प्रकार समोर येत आहेत. पिंपरी चिंचवडमध्ये पोलिसांचं नेमकं चाललंय तरी काय? असा प्रश्न उपस्थित नागरिकांना पडत आहे.
