पुणे : कपड्याच्या दुकानात टी-शर्ट खरेदी करण्यासाठी गेलेल्या एका २० वर्षीय तरुणीवर तेथील कामगाराने लगट करण्याचा प्रयत्न करून विनयभंग केल्याचा धक्कादायक प्रकार कॅम्प परिसरातील एमजी रस्त्यावर घडली आहे. या प्रकरणी २० वर्षीय पीडित तरुणीने लष्कर पोलीस ठाण्यात तक्रार दिली आहे. Pune News
कैफ करीममुल्ला शेख असे विनयभंग करणाऱ्या आरोपीचे नाव असून पोलिसांनी त्याच्यावर गुन्हा दाखल केला आहे.
पोलिसांनी दिलेल्या माहितीनुसार, पीडित तरुणी गुरुवारी (ता. २०) दुपारी सव्वा एक वाजण्याच्या सुमारास त्या दुकानात टी-शर्ट खरेदी करण्यासाठी गेली होती. अनेक टी-शर्ट पाहिल्यानंतर तिला एक टी-शर्ट आवडला. तिने तो घेत अंगावरील पहिल्या टी-शर्ट वरच नवीन टी-शर्ट ट्राय केला.
दरम्यान, तरुणाने टी-शर्ट घेण्यास आलेल्या तरुणीला “आपण तुला टी-शर्ट घालण्यास मदत करतो”, असा बहाणा करत तिच्याशी अश्लील चाळे केले. या प्रकरणी २० वर्षीय पीडित तरुणीने लष्कर पोलीस ठाण्यात तक्रार दिली आहे. त्यावरून कैफ करीममुल्ला शेख याच्या विरोधात गुन्हा दाखल करण्यात आला आहे. पुढील तपास उपनिरीक्षक एस मोकाटे हे करत आहेत. Pune News
