Pune News : पुणे : पुण्यातील महंमदवाडी रोडवर दुचाकीवरुन आलेल्या दोघांनी पूर्ववैमनस्यातून सराईत गुन्हेगारावर गोळीबार केल्याची घटना सोमवारी घडली होती. त्यात हा गुन्हेगार जखमी झाला होता. दरम्यान फायरिंग करणाऱ्या दोन जणांना गुन्हे शाखेच्या पोलिसांनी अटक केली आहे. महंमदवाडी रोडवर सोमवारी रात्रीच्या सुमारास ही घटना घडली होती. त्यानंतर गुन्हे शाखेच्या खंडणी विरोधी पथकाने याप्रकरणी कारवाई करत दोघांना पोलीसांनी ताब्यात घेतले आहे. (two arrested who shot at the criminal due to past enmity in Mahmudwadi)
गुन्हे शाखेच्या खंडणी विरोधी पथकाने केली अटक
पच्चीस ऊर्फ फैजान रमजान शेख (वय २१, रा. सय्यदनगर, कोंढवा) असे जखमी झालेल्याचे नाव आहे. चेतन बाळू जाधव (वय 21) आणि यश सुनील ससाने अशी अटक करण्यात आलेल्या दोघांची नावे आहेत.
मिळालेल्या माहितीनुसार, खान हा रात्री महंमदवाडी रोड परिसरातून जात असताना दुचाकीवरुन आलेल्या दोघांनी त्याच्यावर गोळीबार केला व ते पळून गेले. (Pune News) त्यातील एक गोळी शेख याच्या पोटात घुसली. त्यात तो जखमी झाला. गोळीबाराची माहिती मिळतात वरिष्ठ पोलीस अधिकाऱ्यांनी घटनास्थळी धाव घेतली. सुरुवातीला त्याच्यावर खासगी रुग्णालयात प्रथमोपचार करून पुढील उपचारासाठी त्याला ससून रुग्णालयात दाखल करण्यात आले आहे. पच्चीस ऊर्फ फैजान शेख व आरोपींवर शरीराविरुद्धचे गुन्हे दाखल आहेत. फैजान शेख आणि आरोपी यांच्यात पूर्वीपासून वाद आहेत.
दरम्यान, गुन्हे शाखेच्या पोलिसांचाही या संपूर्ण प्रकरणाचा समांतर तपास सुरू होता. यातील आरोपी हे जुना मोदिखाना कॅम्प परिसरात येणार असल्याची माहिती गुन्हे शाखेच्या पोलिसांना मिळाली होती.(Pune News) त्यानंतर पोलिसांनी सापळा रचून दोघांना अटक केली. पुढील तपास वानवडी पोलीस करत आहेत.
अधिक बातम्या वाचण्यासाठी येथे क्लिक करा :
Pune News : धक्कादायक! घोरपडीत अल्पवयीन मुलीवर बलात्काराचा प्रयत्न; तिघांवर गुन्हा दाखल
Pune News : पुण्याचे जिल्हाधिकारी डॉ. राजेश देशमुख यांच्या नावे पुन्हा बनावट फेसबूक अकाऊंट
