Pune News : पुणे : अपहरण करुन खून करण्याच्या प्रयत्नात असलेल्या आरोपीच्या येरवडा पोलिसांनी मुसक्या आवळ्या. आरोपीकडून एक लोखंडी कोयता पोलिसांनी जप्त केला आहे.
येरवडा पोलीस ठाण्यात गुन्हा दाखल
निलेश अरुण कोंढवळे (वय-27 रा. पारनेर, अहमदनगर) असे अटक करण्यात आलेल्या आरोपीचे नाव आहे. आरोपीवर येरवडा पोलीस ठाण्यात आर्म अॅक्ट , महाराष्ट्र पोलीस अ‍ॅक्टनुसार गुन्हा दाखल करण्यात आला आहे. पोलिसांनी ही कारवाई येरवडा येथील खाऊ गल्ली येथे 29 जून रोजी रात्री केली.
पोलिसांनी दिलेल्या माहितीनुसार, येरवडा पोलीस ठाण्यातील पोलीस हद्दीमध्ये पेट्रोलींग करत असताना पोलीस अंमलदार स्वप्नील मराठे यांना माहिती मिळाली की, खाऊ गल्ली येथे दोन जण दुचाकीवर थांबले असून दुचाकीला नंबर प्लेट नाही. तसेच त्यांची हालचाल संशयास्पद आहे. (Pune News) मिळालेल्या माहितीनुसार पोलिसांनी खाऊ गल्ली येथे सापळा रचला. त्यावेळी पोलीस आल्याचे समजताच आरोपीला पळून जात असताना ताब्यात घेतले. त्याची अंगझडती घेतली असता त्याच्याजवळ लोखंडी कोयता मिळाला.
आरोपीला येरवडा पोलीस ठाण्यात आणून सखोल चौकशी केली असता 28 जून रोजी रात्री 11 च्या सुमारास पिंपरी येथून वाघोलीच्या दिशेने जाणाऱ्या एकावर कट करुन कोयत्याने हल्ला करण्याचा प्रयत्न केल्याचे चौकशीत समोर आले. (Pune News) याप्रकरणी आरोपीविरुद्ध विमानतळ पोलीस ठाण्यात न्हा दाखल आहे. पुढील तपास येरवडा पोलीस करीत आहेत.
अधिक बातम्या वाचण्यासाठी येथे क्लिक करा :
Pune News : डीआरडीओचे संचालक प्रदीप कुरुलकर हनीट्रॅप प्रकरण: केसमधील मोठी माहिती आली समोर
Pune News : पावसाची जोरदार हजेरी, मावळातील तब्बल ८ गावांचा तुटला संपर्क
