Pune News : पुणे : श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळ ट्रस्टतर्फे यंदा विसर्जन मिरवणुकीमध्ये श्री दगडूशेठ गणपती बाप्पांची मूर्ती श्री गणाधीश रथामध्ये विराजमान होणार आहे. आकर्षक विद्युत रोषणाईने हा रथ उजळून निघणार आहे. दुपारी ४ वाजता बाप्पा लक्ष्मी रोड मार्गे पुढे मार्गस्थ होणार आहे. विसर्जन मिरवणुकीसाठीचा श्री गणाधीश रथ हा भगवान श्रीगणेश आणि यंदाची सजावट असलेल्या अयोध्येच्या श्रीराम मंदिर संकल्पनेला सुसंगत आहे, अशी माहिती ट्रस्टचे अध्यक्ष माणिक चव्हाण यांनी दिली.
विसर्जन मिरवणुकीसाठीचा श्री गणाधीश रथ अयोध्येच्या श्रीराम मंदिर संकल्पनेला सुसंगत
दगडूशेठ बाप्पांच्या विसर्जन रथाविषयी माहिती देताना माणिक चव्हाण म्हणाले की, मंडळाचे यंदाचे १३१ वे वर्ष आहे. यावर्षी श्री गणाधीश रथावर ८ खांब साकारण्यात आले आहेत. (Pune News) प्रत्येक खांबावर हत्तीची मूर्ती साकारली असून, गजस्तंभ दिव्यांच्या प्रकाशात झगमगणार आहेत. भगवान शंकरांच्या ८ गणांच्या मूर्ती रथावर असून, मागील बाजूस दोन हनुमानाच्या मूर्ती आहेत. रथाचा आकार १५ बाय १५ फूट असून, उंची २१ फूट इतकी आहे. रथावर १ मुख्य कळस बसविला आहे. तसेच त्याच्याभोवती इतर असे मिळून पाच कळस असणार आहेत. आकर्षक रंगांमध्ये विविध लाईटस् रथावर वापरण्यात आले आहेत.
मिरवणुकीत आरोग्य रथ अग्रभागी असणार आहे. दरवर्षीप्रमाणे यंदा सामाजिक विषयांतर्गत आरोग्यविषयक जनजागृती रथावरून केली जाणार आहे. (Pune News) याखेरीज मिरवणुकीत प्रभात ब्रास बँड, दरबार ब्रास बँड, स्वरूप वर्धिनीचे ढोल-लेझिम पथक, सनई-चौघडा असा लवाजमा असणार आहे. मिरवणुकीत गणेशभक्त मोठ्या संख्येने सहभागी होणार आहेत.
अधिक बातम्या वाचण्यासाठी येथे क्लिक करा :
Pune News : पतीचे टोमणे व मारहाणीला कंटाळून, पत्नीची गळफास घेऊन आत्महत्या
Pune News : अग्निवीर म्हणून लष्करात भरती करण्याचे आमीष; १६ तरुणांना लाखोंचा गंडा
