Pune News : पुणे : पुण्यात मध्यरात्री गोळीबार झाल्याची धक्कादायक बातमी समोर आली आहे. महंमदवाडी रोडवर दुचाकीवरुन आलेल्या दोघांनी पूर्ववैमनस्यातून सराईत गुन्हेगारावर गोळीबार केला. त्यात हा गुन्हेगार जखमी झाला आहे. ही घटना सोमवारी रात्री साडे अकरा वाजताच्या सुमारास गुलामअलीनगर महंमदवाडीरोड परिसरात घडली आहे. दरम्यान शहरात गुन्हेगारी बोकाळली असल्याचे चित्र सद्या सर्वत्र आहे. अशा घटनांमुळे सामान्य नागरिकांमध्ये भितीचे वातावरण निर्माण झाले आहे. (The firing shook Pune! Shooting at criminal due to prior enmity in Mahamadwadi)
पच्चीस ऊर्फ फैजान रमजान शेख (वय २१, रा. सय्यदनगर, कोंढवा) असे जखमी झालेल्याचे नाव आहे. याबाबत पोलिसांनी एकाला ताब्यात घेतले आहे. (Pune News) गुलाम दौस खान असे आरोपीचे नाव आहे. याप्रकरणी रात्री उशिरापर्यंत वानवडी पोलीस ठाण्यात गुन्हा दाखल करण्याचे काम सुरू होते.
दुचाकीवरुन आलेल्या दोघांनी केला गोळीबार
मिळालेल्या माहितीनुसार, खान हा रात्री महंमदवाडी रोड परिसरातून जात असताना दुचाकीवरुन आलेल्या दोघांनी त्याच्यावर गोळीबार केला व ते पळून गेले. त्यातील एक गोळी शेख याच्या पोटात घुसली. त्यात तो जखमी झाला.(Pune News) गोळीबाराची माहिती मिळतात वरिष्ठ पोलीस अधिकाऱ्यांनी घटनास्थळी धाव घेतली. सुरुवातीला त्याच्यावर खासगी रुग्णालयात प्रथमोपचार करून पुढील उपचारासाठी त्याला ससून रुग्णालयात दाखल करण्यात आले आहे. पच्चीस ऊर्फ फैजान शेख व आरोपींवर शरीराविरुद्धचे गुन्हे दाखल आहेत. फैजान शेख आणि आरोपी यांच्यात पूर्वीपासून वाद आहेत. कोंढवा पोलिसांनी त्यांना यापूर्वी अटकही केली होती. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Pune News : डॉ.रामकृष्ण ढेरे आपल्या प्रदीर्घ शैक्षणिक सेवेतून सेवानिवृत्त…
Pune News : रोजगारासाठी उपलब्ध संधींचा लाभ घ्या : पालकमंत्री
