अमोल दरेकर
Pune News : सणसवाडी (ता.१४ ऑगस्ट) : पुणे नगर महामार्गावरील सणसवाडी (ता. शिरूर) येथे रस्त्याकडेला उभ्या असलेल्या ट्रेलरला टेम्पोने मागील बाजूस जोरदार धडक दिली. या भीषण अपघातात टेम्पो चालक जागीच ठार झाला. रविवारी पहाटे सव्वापाच वाजता हा अपघात घडला.
पुणे-नगर मार्गावर सणसवाडी येथे अपघात
पुणे-नगर महामार्गावर सळई वाहतूक करणारा ट्रेलर (क्र एमएच २१ बीएच १४१६) नादुरुस्त झाल्याने रस्त्याकडेला उभा होता. पहाटेच्या वेळेस नगरच्या दिशेने पुण्याच्या बाजूने वेगाने येणाऱ्या टेम्पोच्या (क्र. एमएच १२ युएम १९९९) त्याचा अंदाज आला नाही. (Pune News)
ट्रेलरच्या मागील बाजूस टेम्पोची जोराची धडक बसल्याने टेम्पो चालक सुनील राजाराम कोळपे (वय ४०) जागीच ठार झाला. क्रेनच्या मदतीने टेम्पोमध्ये अडकलेल्या चालकास बाहेर काढण्यात आले. अपघातामुळे काही काळ रस्त्यावर वाहतूक कोंडी झाली झाली होती.
अपघाताची माहिती मिळताच महामार्ग पोलीस दलाचे सहायक पोलीस निरीक्षक पवार, सहायक फौजदार कुंभार, हवालदार पवार, नरसाळे, शिक्रापूर (Pune News) पोलीस ठाण्याचे पखाले, रावडे यांनी घटनास्थळी धाव घेतली. शिरूर तालुका कॉग्रेसचे अध्यक्ष वैभव यादव, माजी सरपंच सुरेश हरगुडे यांनी घटनास्थळी मदत कार्यास सहकार्य केले.
अधिक बातम्या वाचण्यासाठी येथे क्लिक करा :
Pune News : कोथरूडमध्ये दहशत माजवली; ओंकार कुडलेविरुद्ध मोक्का कारवाई
Pune News : गृहिणींसाठी गुड न्यूज! टोमॅटो आले आवाक्यात; आवक वाढली!
