Pune News : पुणे : पुणे जिल्ह्यातून धक्कादायक बातमी समोर आली आहे. 21 वर्षीय तरुणीचा 23 वर्षीय युवकाने बलात्कार केल्याचा प्रकार उघडकीस आला आहे. पब्जी गेम खेळताना झालेल्या ओळखीतून पुरंदर येथील युवकाने हे कृत्य केले आहे. पब्जी खेळताना या दोघांची सुरुवातीला ओळख झाली त्यानंतर दोघेही गेममध्ये असलेल्या चॅटिंगच्या पर्यायातून बोलू लागले यावेळी तरुणाने तरुणीला लग्नाचे आमिष दाखवले त्यातून वेळोवेळी तिच्यावर बलात्कार केला. ‘तुझे यापूर्वी अन्य एका मुलाबरोबर अफेअर होते, असे सांगत त्याने लग्नाला नकार दिला. (Shocking! Met her while playing PUBG games; Later he raped her from time to time)
हिंजवडी पोलीस ठाण्यात तक्रार दाखल
याप्रकरणी तरुणीने हिंजवडी पोलीस ठाण्यात तक्रार दाखल केली आहे. त्यावरून 23 वर्षीय युवकावर गुन्हा दाखल करण्यात आला आहे.
मिळालेल्या माहितीनुसार, तक्रारदार तरुणी व आरोपीची वर्षभरापूर्वी पब्जी गेम खेळताना ऑनलाईन ओळख झाली होती. त्यानंतर गेममध्ये असलेल्या चॅटिंगचा पर्याय निवडत दोघे गप्पा मारू लागले. (Pune News) सातत्याने गेम खेळत असल्याने दोघांची ओळख वाढत गेली. त्यानंतर दोघेही विविध ठिकाणी भेटू लागले होते. हिंजवडी येथील एका हॉटेलमध्ये आरोपीने लग्नाचे आमिष दाखवून प्रथम बलात्कार केला आणि त्यानंतर जेजुरी तसेच जिल्ह्यातील विविध ठिकाणी नेऊन बलात्कार केल्याचे तक्रारदार तरुणीने दिलेल्या तक्रारीत नमूद करण्यात आले आहे.
दरम्यान, या सगळ्या प्रकारानंतर तरुणीने आरोपीला लग्न करण्याबाबत विचारले असता, ‘तू सारखी आजारी असतेस. त्यामुळे माझ्या आईला तू पसंत नाहीस’ असे म्हणत आरोपीने टाळायला सुरुवात केली. (Pune News) त्यानंतर ‘तुझे यापूर्वी अन्य एका मुलाबरोबर अफेअर होते, असे सांगत त्याने लग्नाला नकार दिला. १३ मे २०२३ पर्यंत मागील वर्षभरात हा सगळा प्रकार घडला असून, तरुणीने पुणे ग्रामीण पोलिसांकडे याबाबत तक्रार दिली होती. हा गुन्हा तपासासाठी हिंजवडी पोलिसांकडे वर्ग केला आहे. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Pune News : चंदननगर येथील बीआरटी मार्गावर टँकर पलटी
Pune News : पुण्यात दहा रुपयाची नोट उचलणे पडले महागात; 15 हजारांचा मोबाईल चोरट्यांनी केला लंपास
Pune News : : कामगारांनीच मारला हॉटेलमध्ये डल्ला !; बनावट चावीने कुलूप उघडत रोकड व साहित्याची चोरी
