Pune News : पुणे : पुण्याहून नाशिकच्या दिशेने निघालेल्या शिवशाही बसला नारायणगाव बायपासजवळ अपघात झाला. अचानक समोर आलेल्या दुचाकीस्वाराला वाचविण्यासाठी शिवशाही चालक बस विरुद्ध दिशेला घेऊन जात असताना मागून एक कंटेनर समोर आल्याने हा अपघात झाला. या अपघातात १४ प्रवासी किरकोळ जखमी झाले.
दैव बलवत्तर म्हणून मोठी दुर्घटना टळली
याबाबत अधिक माहिती अशी की, पुणे-नाशिक महामार्गावर नारायणगाव बायपासला पुण्याहून नाशिकच्या दिशेने शिवशाही बस निघाली होती. (Pune News) यावेळी समोरून एक दुचाकी वेगात आली. दुचाकीस्वाराला वाचविण्यासाठी शिवशाही चालकाने बस विरुद्ध बाजूला घेण्याचा प्रयत्न केला. याचवेळी मागून एक कंटेनर समोर आला. यामध्ये शिवशाही बसला अपघात झाला. या अपघातात १४ प्रवाशी किरकोळ जखमी झालेत.
दरम्यान, अपघातग्रस्त बसचे दरवाजे लॉक झाल्याने समोरील काच फोडून प्रवाशांना बाहेर काढण्यात आले. जखमींना उपचारासाठी रुग्णालयात दाखल करण्यात आले आहे. (Pune News) बस चालकाची चूक नसताना दुचाकीस्वारामुळे मोठा अपघात घडला असता. मात्र दैव बलवत्तर म्हणून मोठी दुर्घटना टळल्याची प्रतिक्रिया उमटत होती.
अधिक बातम्या वाचण्यासाठी येथे क्लिक करा :
Pune News : नागपूर-पुणे विमान उड्डाणासाठी सज्ज होता पायलट… विमानात चढणार, एवढ्यात घडले भयंकर!
