Pune News : पुणे : सेवानिवृत्त सहायक पोलीस आयुक्त अनिस काझी (वय ६८) यांचे शुक्रवारी मध्यरात्री पुण्यातील वडगाव शेरी येथील राहत्या घरी अल्पशा आजाराने निधन झाले. त्यांच्या पश्चात पत्नी, एक मुलगा, सून, मुलगी, जावई, नातवंडे असा परिवार आहे. गेले काही दिवस ते आजारी होते. उत्पादन शुल्क विभागाचे अतिरिक्त आयुक्त सोहेल काझी यांचे ते वडिल होत.
माळशिरस येथे आज पार्थिवावर अंत्यसंस्कार
अनिस काझी हे महाराष्ट्र पोलीस दलात पोलीस उपनिरीक्षक (पीएसआय) म्हणून भरती झाले होते. त्यांनी पुणे शहर पोलीस, गुन्हे शाखा, कोल्हापूर, मुंबई येथे सेवा केली होती.(Pune News) लोहमार्ग पोलीस दलातून सहायक पोलीस आयुक्त म्हणून ते सेवानिवृत्त झाले होते.
सोलापूर जिल्ह्यातील माळशिरस येथील मूळ गावी त्यांच्या पार्थिवावर आज अंत्यसंस्कार करण्यात येणार आहेत. शनिवारी सकाळी त्यांचे पार्थिव मूळ गावी रवाना करण्यात आले. (Pune News) काझी यांनी येरवडा पोलीस स्टेशनमध्ये वरिष्ठ पोलीस निरीक्षक म्हणून देखील कर्तव्य बजाविले होते.
अधिक बातम्या वाचण्यासाठी येथे क्लिक करा :
Pune news : ऐन श्रावणात पुणेकर उकाड्याने हैराण; १९०१ नंतर यंदाचा ऑगस्ट सर्वाधिक उष्ण असल्याची नोंद
