Pune News : पुणे : पुण्यातील खडकी परिसरात एक धक्कादायक घटना उघडकीस आली आहे. येथे वास्वव्यास असलेल्या एका १६ वर्षीय अल्पवयीन मुलीवर एका गुंडाने तिच्या घरात शिरून बलात्कार केल्याची घटना घडली आहे. या घटनेमुळे परिसरात खळबळ उडाली आहे. याप्रकरणी पोलिसांनी एका २० वर्षीय आरोपीला अटक केली आहे.
खडकी पोलीस ठाण्यात फिर्याद दाखल
याबाबत पोलिसांनी दिलेल्या माहितीनुसार, धर्मेश कांबळे असे आरोपीचे नाव असून, त्याला अटक करण्यात आली आहे. याबाबत एका १६ वर्षाच्या युवतीने खडकी पोलीस ठाण्यात फिर्याद दिली आहे. फिर्यादी व आरोपी हे एकाच परिसरात राहण्यास आहेत. (Pune News)फिर्यादी या १८ मार्च रोजी दुपारी घरात झोपल्या असताना कांबळे जबरदस्तीने आत आला. त्याने फिर्यादीवर बलात्कार केला. त्यानंतर तो वारंवार फिर्यादीची येता जाता छेड काढत असे. लाज वाटेल अशा प्रकारे शरीरास स्पर्श करुन त्यांचा विनयभंग करत असे.
दरम्यान, या घटनेबाबत घरातील कोणाला सांगितल्यास जीवे ठार मारण्याची धमकी दिली. तेव्हापासून आरोपी हा अल्पवयीन मुलीला सतत त्रास देत होता. या त्रासाला कंटाळून पीडित मुलीने तक्रार देताच आरोपी धर्मेश कांबळे याला अटक करण्यात आली असून, अधिक तपास सुरू असल्याचे खडकी पोलिसांनी सांगितले.(Pune News) यश कांबळे हा पोलिसांच्या रेकॉर्डवरील सराईत गुन्हेगार असल्याची माहिती मिळत आहे.
याप्रकरणी पोलीस उपनिरीक्षक शिंदे अधिक तपास करीत आहेत.
अधिक बातम्या वाचण्यासाठी येथे क्लिक करा :
Pune News : विदेशात गलेलठ्ठ पगाराच्या नोकरीचे आमिष; अभियंत्याची सव्वा लाखाची फसवणूक!
Pune News : मोक्का लावलेल्या गुंडाची उपहारगृहात सरबराई; तीन पोलिसांच्या निलंबनाचे आदेश
